YO‘G‘ON ICHAK SARATONIDA NEOADYUVANT KIMYOTERAPIYANING AHAMIYATI.

Abstract

Annotatsiya. Yo‘g‘on ichak saratoni dunyo bo‘yicha keng tarqalgan onkologik kasalliklardan biri hisoblanadi. Kasallikni samarali davolashda kompleks yondashuv muhim ahamiyatga ega bo‘lib, bunda jarrohlik amaliyoti bilan bir qatorda kimyoterapiya usullari ham qo‘llaniladi. Neoadyuvant kimyoterapiya – bu asosiy jarrohlik davolashidan oldin qo‘llaniladigan dori vositalari bilan davolash usuli bo‘lib, u o‘sma hajmini kichraytirish, metastazlarning rivojlanishini sekinlashtirish hamda operatsiya samaradorligini oshirishga xizmat qiladi. Mazkur maqolada yo‘g‘on ichak saratonida neoadyuvant kimyoterapiyaning ahamiyati, uning klinik samaradorligi hamda bemorlarning prognozini yaxshilashdagi roli tahlil qilinadi.