BUXGALTERIYA HISOBIDA AXBOROT TIZIMLARI

Abstract

Annotatsiya: Zamonaviy davrda global miqyosda barcha sohalarda kuzatilayotgan innovatsion rivojlanish jarayonlari buxgalteriya hisobi va moliyaviy hisobot tizimiga ham sezilarli ta’sir ko‘rsatmoqda. Xususan, axborot texnologiyalarining izchil va tez sur’atlarda taraqqiy etishi mazkur yo‘nalishda tub o‘zgarishlar yuzaga kelishiga olib kelmoqda. Dastlab axborot texnologiyalarining shakllanishi elektron hisoblash mashinalarining yaratilishi bilan bog‘liq bo‘lgan bo‘lsa, bugungi kunda internet infratuzilmasining kengayishi, zamonaviy dasturiy mahsulotlarning rivojlanishi hamda raqamli ma’lumotlar bazalarining joriy etilishi natijasida ushbu soha yangi va yuqori bosqichga ko‘tarildi. Mazkur maqolaning asosiy maqsadi buxgalteriya hisobida axborot tizimlarining o‘rni va ahamiyatini o‘rganishdan iborat.