ZAMONAVIY KARDIOLOGIYADA YURAK YETISHMOVCHILIGINI BOSHQARISH: FARMAKOLOGIK DAVOLASH STRATEGIYALARI VA YANGI YONDASHUVLAR
Keywords:
Kalit soʻzlar: yurak yetishmovchiligi, GDMT, SGLT2 ingibitorlari, ARNI, diuretik terapiya, HFrEF, HFpEFAbstract
Yurak yetishmovchiligi zamonaviy kardiologiyaning eng dolzarb muammolaridan biri boʻlib, aholi qarishi va yurak-qon tomir xavf omillarining koʻpayishi bilan bogʻliq holda uning tarqalishi global miqyosda oshib bormoqda. Ushbu maqolada yurak yetishmovchiligini boshqarishda qoʻllaniladigan zamonaviy farmakologik strategiyalar, xususan, yoʻnaltiruvchi dori terapiyasi (GDMT) tamoyillari, diuretik terapiyaning optimallashtirilishi hamda yangi dorivor vositalarning klinik amaliyotdagi o‘rni tahlil qilinadi. Soʻnggi yillarda o‘tkazilgan ko‘p markazli tadqiqotlar natijalariga ko‘ra, yurak yetishmovchiligining kamaytirilgan ejeksion fraksiyali (HFrEF) va saqlanib qolgan ejeksion fraksiyali (HFpEF) turlarini davolashda yangi farmakologik vositalar, jumladan, SGLT2 ingibitorlari va ARNI preparatlari muhim o‘rin egallamoqda. Maqolada ushbu dorilarning klinik samaradorligi, xavfsizlik profili va ularni klinik amaliyotga joriy etishning amaliy jihatlari ko‘rib chiqilgan.
