UROLOGIK AMALIYOTLARDA ISHLATILADIGAN ANESTEZIYA VOSITALARINING MIKROFLORA O‘ZGARISHLARIGA TA’SIRI

Abstract

Mazkur maqolada urologik amaliyotlarda keng qo‘llaniladigan anesteziya vositalarining (ingalyasion va noingalyasion dorilar) organizm mikroflorasiga ta’siri tahlil qilingan. Anesteziya jarayonida ichak, siydik yo‘llari va teri mikrobiotasida yuz beradigan disbiyotik o‘zgarishlar, ularning patogen mikroorganizmlar bilan bog‘liqligi va operatsiyadan keyingi asoratlarga ta’siri ko‘rib chiqilgan. Tadqiqot maqsadi – turli turdagi anesteziya preparatlarining mikroflora muvozanatiga qanchalik ta’sirini aniqlash va urologik jarrohlik amaliyotlarida optimal yondashuvlarni belgilashdir. Metod sifatida klinik kuzatuv, mikrobiologik tahlil va adabiyotlarni qiyosiy tahlili qo‘llanildi. Olingan natijalar shuni ko‘rsatdiki, umumiy anesteziklar (propofol, sevofluran, izofluran) ichak mikroflorasining bifidobakteriyalar ulushini kamaytirib, shartli-patogen mikroblar (Klebsiella, Enterococcus) o‘sishini tezlashtiradi. Mintaqaviy anesteziya usullari esa mikroflora o‘zgarishlarini kamroq chaqiradi. Xulosa qilib aytganda, urologik operatsiyalarda anesteziya tanlashda mikrobiologik xavfsizlik ham hisobga olinishi lozim.