ALEKSANDR ARKADEVICH FAYNBERGNING “TONG ASLO OTMA.YOMG’IR YOG’DI MO’L…” SHE’RI TAHLILI

Abstract

Adabiyot tarixiga nazar solib qarar ekanmiz,inson yaralgandan buyon necha asrlar o’tti,biroq ruhiy iztirob,yolg’izlik,hayot murakkabliklari va umid masalasi har doim muhokama markazida bo’lib kelmoqda.Insonning ichki olami,uning o’zini o’rab turgan tashqi dunyo bilan munosabati nafaqat shaxsiy tajribaga,balki umumiy falsafiy masala sifatida o’rganilgan.Hayot davom etar ekan,har bir inson o’zini vaqti-vaqti bilan yolg’iz,tushkunlikka tushib qolgan,jamiyat hayotidan chetlashib qolgan kabi his qiladi.Shu paytlarda tabiat,vaqt va atrof-muhitning oddiy hodisalari inson qalbida kuchli timsolni ifodalab keladi.XX asr o’zbek adabiyotida xuddi shunday badiiy an’analar asosida ijod qilgan,bu yo’lda o’z uslubini yarata olgan chuqur badiiy tafakkur sohibi bu Aleksandr Arkadevich Faynbergdir. Faynberg she’riyatida inson yuragining nozik kechinmalari, yolg’izlik, ichki iztirob va umid o’rtasidagi ziddiyatlar markaziy mavzu sifatida namoyon bo’ladi.Uning badiiy olami tabiat va tashqi manzaralarini  inson ruhiy holati bilan hamohanglashtirgan holatda teran falsafiy mohiyatni yaratadi.