RASSOMCHILIKDAN-TEATR SAHNASIGA QADAR…
Keywords:
Adabiyotda yaratilgan ertak, hikoya, qissa, roman va pyesalar teatr sahnasida aktyorlar ijrosi orqali hayot kasb etsa, sahna rassomi mazkur asarning makonini, davr ruhini, qahramonlar yashayotgan muhitni, ranglar uyg'unligini va badiiy kayfiyatini tasviriy yechimlar orqali gavdalantiradi. Shu bois teatr san'ati adabiyot, rejissura, aktyorlik mahorati, musiqa va tasviriy san'atning o'zaro uyg'unlashgan mukammal sintezi sifatida namoyon bo'ladi. Sahna bezaklari esa spektaklning badiiy yaxlitligini ta'minlab, uning mazmunini yanada teranroq ochishga xizmat qiladi. O'zbek teatr-dekoratsiya san'ati taraqqiyotida ana shunday fidoyi va iste'dodli rassomlar yetishib chiqqanki, ular yaratgan sahna bezaklari bugungi kunda nafaqat teatr tarixining, balki milliy tasviriy san'atimizning ham bebaho namunalariga aylangan.Abstract
San'at – bu xalqning tarixiy xotirasi, ma'naviy olami va estetik qarashlarini o'zida mujassam etuvchi bebaho merosdir. U faqatgina go'zallikni ifodalash vositasi bo'lib qolmay, balki jamiyat taraqqiyoti, milliy qadriyatlar va davr ruhini aks ettiruvchi muhim madaniy hodisa ham hisoblanadi. Ayniqsa, tasviriy san'at, adabiyot va teatr bir-biri bilan chambarchas bog'liq bo'lgan sohalar bo'lib, ularning o'zaro uyg'unligi natijasida tomoshabin qalbiga kuchli badiiy ta'sir ko'rsatuvchi asarlar yaratiladi. Ko'rgazma zallarida namoyish etilayotgan asarlarga nazar tashlar ekansiz, har bir ijodkorning ichki dunyosi, kasbiy yo'nalishi va badiiy tafakkuri uning yaratgan asarlarida yaqqol namoyon bo'lishini his qilasiz. Ayrim asarlar rassomning faqat tasviriy san'at vakili ekanligini ko'rsatsa, ba'zilari ijodkorning bir vaqtning o'zida bir necha san'at yo'nalishlarini o'zida mujassam etgan noyob iste'dod sohibi ekanligini anglatadi. Ayniqsa, teatr rassomlarining ijodi ana shunday serqirra san'at namunasidir.
References
1. Oʻzbekiston Milliy ensiklopediyasi. Abbosov, Mutallib maqolasi. – Toshkent: Oʻzbekiston Milliy ensiklopediyasi Davlat ilmiy nashriyoti.
2. Rahmonov M. Oʻzbek teatri tarixi. – Toshkent: Fan, 2008.
3. Karimov M. Oʻzbekiston tasviriy sanʼati tarixi. – Toshkent: Gʻafur Gʻulom nomidagi Adabiyot va sanʼat nashriyoti.
4. Ikromov H. Oʻzbek teatr-dekoratsiya sanʼati. – Toshkent: Gʻafur Gʻulom nomidagi Adabiyot va sanʼat nashriyoti.
