UMURTQA POG‘ONASI DISK CHURRASI

Abstract

ANOTATSIYA : Umurtqalararo disk churrasi - bu umurtqalararo disk yadrosining umurtqa kanaliga bo‘rtib chiqishi bo‘lib, fibroz halqaning butunligi buzilishi natijasida yuzaga keladi. Disk churrasini yuzaga kelishini yana bir sababchisi bu umurtqa ostexondrozidir . Etiologiyasi Umurtqa osteoxondrozi polietiologik kasallik. Disk churrasi rivojlanishining asosiy sababchisi ham osteoxondrozdir. Umurtqa pog‘onasida degenerativ-distrofik o‘zgarishlarga olib keluvchi har qanday patologik jarayon keyinchalik umurtqalararo diskning o‘z o‘rnidan siljishiga ham sababchi bo‘ladi. Shu bois, disk churrasi alohida kasallik emas, balki umurtqa osteoxondrozi yoki jarohati asorati, deb hisoblanadi. Kundalik faoliyat davomida asosiy yuklama umurtqa pog’onasining harakatchan bel qismini yirik umurtqalariga tushadi. Aynan shu sohada ko’pincha umurtqalararo disk churralari hosil bo’ladi. Disklar shikastlanishga moyil, chunki ular bir tomondan umurtqa pog’onasining harakatchanligini ta’minlash uchun elastik bo’lishi kerak, boshqa tomondan ular haddan tashqari yuklarga bardosh bera oladigan darajada kuchli bo’lishi kerak. Diskning tuzilishi, agar mavjud bo’lsa, zararning xarakterini ham aniqlaydi. Shu bilan birga, bel og’rig’i yagona shikoyat bo’lib qolmasdan, bemorlar oyoq mushaklarining zaifligini, shuningdek, ularda terining sezgirligini buzilishi kuzatilishi mumkin; L3-L4 disk churrasini davolash ko’pincha jarrohliksiz amalga oshiriladi, ammo agar u o’z vaqtida davolanmasa, alomatlar doimiy va kuchli bo’lsa, jarrohlarning yordamiga murojaat qilishni talab qiladi.