KORPORATIV MOLIYANING NAZARIY JIHATLARI VA ULARNING AMALIY QO‘LLANILISHI

Abstract

Korporativ moliya korxonalarning moliyaviy resurslarini shakllantirish, taqsimlash va ulardan samarali foydalanish bilan bog‘liq bo‘lgan iqtisodiy munosabatlar tizimini ifodalaydi. Uning asosiy maqsadi korxona qiymatini oshirish, foydalilikni ta’minlash hamda aksiyadorlar manfaatlarini maksimal darajada himoya qilishdan iborat. Korporativ moliyaning nazariy asoslari kapital tuzilmasini optimallashtirish, investitsiya qarorlarini baholash, dividend siyosatini yuritish va moliyaviy risklarni boshqarish kabi yo‘nalishlarni qamrab oladi. Mazkur nazariyalar Modilyani–Miller kapital tuzilmasi nazariyasi, diskontlangan pul oqimlari konsepsiyasi hamda agentlik nazariyasiga asoslanadi.