JIGAR ABSSESSI: BELGILARI VA DIAGNOSTIKA USULLARI

Abstract

Jigar abssessi (lat. abscessus hepatis) — bu jigar parenximasida yiringli yallig‘lanish o‘chog‘i hosil bo‘lishi bilan kechadigan og‘ir patologik jarayon hisoblanadi. Bu kasallik bakterial yoki parazitar (ko‘pincha Entamoeba histolytica) infeksiya natijasida rivojlanadi. Jigar abssessi ko‘p hollarda kech aniqlanadi, bu esa o‘z vaqtida davolash choralari ko‘rilmasa, o‘limga olib kelishi mumkin. Shu sababli jigar abssessining erta tashxislanishi klinik amaliyotda muhim ahamiyat kasb etadi.