MUSO AL-XORAZMIY VA UNING MATEMATIKAGA QO‘SHGAN BEQIYOS HISSASI
Keywords:
Kalit so‘zlar: al-Xorazmiy, algebra, algoritm, matematika tarixi, hind-arab raqamlari, kvadrat tenglama, ilmiy meros, Bayt al-Hikma, STEM ta’limi, raqamli tafakkur.Abstract
Ushbu maqolada Muso al-Xorazmiyning matematika taraqqiyotidagi beqiyos o‘rni, algebra fanining mustaqil ilmiy yo‘nalish sifatida shakllanishiga qo‘shgan hissasi hamda algoritmik tafakkur rivojidagi tarixiy ahamiyati ilmiy jihatdan tahlil qilinadi. Al-Xorazmiy merosi faqat o‘rta asr Sharq ilm-fani doirasidagi yutuq sifatida emas, balki Yevropa matematik tafakkurining shakllanishi, hisoblash madaniyatining takomillashuvi va zamonaviy raqamli texnologiyalar nazariy asoslarining vujudga kelishi bilan uzviy bog‘liq bo‘lgan umumjahon ilmiy hodisasi sifatida talqin etiladi. Maqolada allomaning “Al-jabr va al-muqobala” asari, hind-arab raqamlar tizimini ilmiy muomalaga kiritishdagi xizmatlari, chiziqli va kvadrat tenglamalarni yechish usullari, amaliy masalalarni umumlashtirish tamoyillari hamda “algoritm” tushunchasining shakllanishiga ko‘rsatgan ta’siri ilmiy-metodologik nuqtai nazardan yoritiladi.
