O‘ZBEK XALQIDA SALOMLASHISH VA MUOMALA MADANIYATINING LINGVISTIK XUSUSIYATLARI
Keywords:
Kalit so‘zlar: salomlashish, muomala madaniyati, nutq odobi, lingvistik xususiyat, o‘zbek tili, pragmatika, lingvokulturologiya, hurmat ifodasi, muloqot madaniyati.Abstract
Ushbu maqolada o‘zbek xalqida salomlashish va muomala madaniyatining lingvistik xususiyatlari tahlil qilinadi. Salomlashish insonlararo muloqotning boshlang‘ich nuqtasi bo‘lib, u faqat axborot almashish vositasi emas, balki milliy qadriyat, odob-axloq, hurmat, samimiyat va ijtimoiy munosabatlarni ifodalovchi muhim nutqiy hodisa hisoblanadi. O‘zbek xalqida salomlashish jarayoni yoshi kattaga hurmat, mehmondo‘stlik, diniy-ma’naviy qadriyatlar, oilaviy munosabatlar va ijtimoiy maqom bilan chambarchas bog‘liq. “Assalomu alaykum”, “Vaalaykum assalom”, “Yaxshimisiz?”, “Sog‘-salomatmisiz?”, “Uy ichilar tinchmi?” kabi birliklar o‘zbek nutq odobining asosiy formulalari sifatida xizmat qiladi. Maqolada salomlashish birliklarining leksik-semantik, pragmatik, sotsiolingvistik va lingvokulturologik xususiyatlari yoritiladi.
