BADIIY MATNDA INGLIZ SOMATIK FRAZEOLOGIZMLARINING LEKSIK-SEMANTIK TAHLILI
Keywords:
Kalit so‘zlar: somatik frazeologizm, ingliz tili, leksik-semantik tahlil, badiiy matn, idiom, tana a’zolari, kontekst.Abstract
Ushbu maqolada ingliz tilidagi somatik frazeologizmlarning, ya’ni tana a’zolari nomi ishtirokida shakllangan barqaror iboralarning leksik-semantik xususiyatlari badiiy matn asosida tahlil qilinadi. Tadqiqotda head, eye, heart, hand, foot kabi somatik komponentlar ishtirok etgan birliklarning ma’no ko‘chishi, obrazlilik darajasi, kontekstga bog‘liq ma’nosi va nutqdagi vazifasi o‘rganiladi. Maqolada oddiy tasviriy tahlil, komponent tahlil, kontekstual tahlil va semantik guruhlash usullaridan foydalaniladi. Natijada somatik frazeologizmlar inson hissiyoti, xarakteri, aqliy holati, ijtimoiy munosabati va harakatini ifodalashda faol qatnashishi aniqlanadi. Tahlil qilingan misollar badiiy asarlarda tana nomlari faqat anatomik birlik emas, balki ma’naviy va madaniy ma’no beruvchi vosita sifatida ishlatilishini ko‘rsatadi. Tadqiqot natijalari ingliz frazeologiyasini o‘rganishda, badiiy matnni tushunishda va tarjima jarayonida amaliy ahamiyatga ega bo‘lishi mumkin.
