MIRZO ULUGʻBEK ILMIY MEROSI ZAMONAVIY ILM-FAN POYDEVORI

Abstract

Mazkur maqolada Mirzo Ulugʻbek ilmiy merosining ahamiyati va uning qanday qilib jahon ilm-fani rivojiga xissa qoʻshgani haqida soʻz boradi. Allomaning ilmiy merosi, asarlari nomi sanab oʻtildi. Mirzo Ulugʻbek asarlarining aynan Andalusiyada tarjima qilinib, saqlanishi va Yevropaga tarqalishi koʻrsatib oʻtilgan. Ulugʻbekning "Zij"i Tomas Hayde, Frans Beili, Edvard Bell Knobel tomonidan qayta chop etildi. Shuningdek, uning Sharq olimi boʻlishiga qaramasdan Gʻarb astronomiyasi rivojiga turtki boʻlgani yoritib berilgan. Eng asosiysi, Mirzo Ulugʻbekning "Zij"i zamonaviy astronomiyaning shakllanishida asos boʻlgani koʻrsatib berilgan.