ХЎЖАКЎЛ ФОСФОРИТИНИНГ ФАЗАВИЙ ВА КИМЁВИЙ ТАХЛИЛИ

Abstract

Фосфорли ўғитлар жаҳон озиқ-овқат хавфсизлигини таъминлашда муҳим ўрин тутади, аммо ҳозирги кунда уларнинг ишлаб чиқариш ва қўлланилиши бир қатор муаммоларга дуч келмоқда. Аввало, табиий фосфор ресурсларининг чекланганлиги жаҳон қишлоқ хўжалигида узоқ муддатли барқарорликка таҳдид солмоқда. Маълумотларга кўра, дунёда фойдаланиш мумкин бўлган фосфорит конлари чекланган бўлиб, асосий захиралар Марокаш, Хитой, АҚШ ва Россия каби давлатларда жойлашган. Шу сабабли, фосфорли ўғитларни самарали ишлаб чиқариш ва ресурсларни тежаш дунё миқёсидаги стратегик масалалардан бирига айланмоқда.