RAQAMLI DAVRDA YOSHLAR PSIXIK SALOMATLIGI — IJOBIY VA SALBIY OMILLAR TAHLILI

Abstract

XXI asr texnologiyalar (raqamli) rivojlanishi davri sifatida nom olganini hisobga olgan holda «Raqamli dunyoda bolalarning ahvoli» ma’ruzasida raqamli texnologiyalar qanday qilib bolalar hayoti va ularning hayotiy imkoniyatlarini o‘zgartirib yuborgani ko‘rib chiqiladi. Hujjat kibermakonning ijobiy va salbiy tomonlarini batafsil yoritib beradi. UNISEFning ijrochi direktori Entoni Leyk tadqiqotlar yakunlari bo‘yicha qayd etganidek, «Bugun raqamli dunyo jamiyat oldiga ikki tomonlama vazifani qo‘yadi: qanday qilib Internetdan har bir bolaga yetkazilayotgan zararni kamaytirish va ayni vaqtda olinadigan foydani maksimal darajada oshirish mumkin».