STRESSNI BOSHQARISH BO‘YICHA DASTURLARNING (MINDFULNESS) SAMARADORLIGI: ANKSIYET DARAJASINI PASAYTIRISH

Abstract

    Annotatsiya: Ushbu maqolada zamonaviy psixologiyada keng qo‘llanilayotgan mindfulness texnikalarining stressni boshqarish va anksiyetni kamaytirishdagi samaradorligi tahlil qilingan. Mindfulness — bu insonning ongini hozirgi lahzaga qaratishga, hissiy holatlarni baholamasdan qabul qilishga o‘rgatuvchi psixologik yondashuv sanaladi. So‘nggi yillarda talabalar, o‘quvchilar va masofaviy ta’lim oluvchilar orasida stress darajasining oshishi ushbu metodning ahamiyatini yanada oshirmoqda. Mindfulness dasturlari shaxsning emotsional barqarorligini kuchaytiradi, fikr jarayonlarini tartibga soladi va kortizol darajasini pasaytirish orqali organizmning stressga bo‘lgan reaksiyasini yumshatadi. Ushbu maqolada mindfulness mashqlarining fiziologik, psixologik va amaliy jihatlari, uning anksiyet darajasiga ta’siri, shuningdek, talabalarning ruhiy salomatligi uchun beradigan afzalliklari yoritilgan. Shuningdek, ilmiy manbalar asosida texnikaning samaradorligi, uning psixoprofilaktik vosita sifatidagi o‘rni ham tahlil qilindi. O‘tkazilgan tadqiqotlar mindfulnessning 6–8 haftalik dasturlarda qo‘llanganda xavotir, charchoq va emotsional taranglikni sezilarli kamaytirishini ko‘rsatadi. Maqola yakunida ushbu texnikani ta’lim muassasalarida, ayniqsa masofaviy ta’lim oluvchilar orasida keng joriy etish bo‘yicha tavsiyalar berildi.