XALQARO BAHOLASH TIZIMLARINING MILLIY TA’LIM TIZIMLARIGA TA’SIRI

Abstract

So‘nggi o‘n yilliklar davomida ta’lim sohasida yuz berayotgan jadal globallashuv natijasida milliy ta’lim tizimlari uchun xalqaro baholash tizimlari katta ahamiyat kasb etmoqda. Xususan, dunyo bo‘ylab taraqqiyotga intilayotgan davlatlarda ta’lim sifatini oshirish, xalqaro me’yorlarga moslashish va raqobatbardosh bilimga ega avlodni shakllantirish uchun zamonaviy baholash tizimlarining joriy qilinishi tobora dolzarb bo‘lib bormoqda. Xalqaro baholash tizimlari davlatlar o‘rtasida bilim va ko‘nikmalar darajasini ob’ektiv o‘lchovlar asosida solishtirish, mavjud imkoniyat va muammolarni aniqlash hamda samarali islohotlarni amalga oshirish uchun mustahkam asos bo‘lib xizmat qilmoqda.