O‘QITUVCHILAR KASBIY KOMPETENTLIGINI RIVOJLANTIRISHDA RAQAMLI RESURSLAR VA ELEKTRON TA’LIM KONTENTINING DIDAKTIK AHAMIYATI

Abstract

Mazkur maqolada o‘qituvchilarning kasbiy kompetentligini rivojlantirish jarayonida raqamli resurslar va elektron ta’lim kontentidan foydalanishning didaktik ahamiyati tahlil qilinadi. Zamonaviy ta’lim tizimida raqamli texnologiyalarning jadal rivojlanishi pedagoglarning bilim, ko‘nikma va malakalarini yangilashni taqozo etmoqda. Tadqiqotda elektron darsliklar, onlayn platformalar, multimediali materiallar hamda interaktiv ta’lim vositalarining o‘qituvchi kasbiy kompetentligiga ta’siri yoritiladi. Shuningdek, raqamli resurslardan samarali foydalanish pedagogik jarayonning sifatini oshirishda muhim omil ekani asoslab beriladi.