“AKADEMIK YOZUV” FANINING ZAMONAVIY TA’LIM TIZIMIDAGI O‘RNI VA AHAMIYATI

Abstract

Ushbu maqolada akademik yozuvning zamonaviy ta’lim tizimidagi o‘rni va uning talabalarning kasbiy hamda intellektual rivojlanishidagi ahamiyati tahlil qilinadi. Akademik yozuv nafaqat ilmiy fikrni yozma shaklda ifodalash vositasi, balki tanqidiy fikrlash, mantiqiy mushohada yuritish va axborotni tahlil qilish kompetensiyalarini shakllantiruvchi muhim pedagogik vosita sifatida qaraladi. Maqolada akademik yozuvning ta’lim sifati, ilmiy tadqiqot madaniyati va akademik halollikni ta’minlashdagi roli yoritiladi. Shuningdek, raqamli texnologiyalar sharoitida yozuv jarayonining transformatsiyasi va talabalarda mustaqil fikrlashni rivojlantirishdagi funksiyasi ochib beriladi.