ZAMONAVIY SHE’RIYATDA INSON QALBI VA MAS’ULIYAT TALQINI: FAYNBERG VA IQBOL MIRZO IJODI

Abstract

Mazkur maqolada zamonaviy she’riyatda insoniylik, hayotiy kechinmalar va poetik tafakkur masalalari Aleksandr Faynberg hamda Iqbol Mirzo ijodi asosida tahlil qilinadi. Har ikki shoir she’riyatida inson qalbi, vijdon, mas’uliyat va zamon bilan bog‘liq masalalar muhim o‘rin egallaydi. Maqolada ijodkorlarning badiiy uslubi, fikr ifodasi, ramzlardan foydalanish xususiyatlari qiyosiy tahlil asosida yoritiladi. Faynberg ijodiga xos sokin falsafiy mushohada hamda Iqbol Mirzo she’riyatidagi hayotiylik va samimiylik uyg‘unligi ochib beriladi. Tadqiqot natijalari zamonaviy she’riyatda inson ruhiyatining badiiy talqinini chuqurroq anglashga xizmat qiladi.