XIRURGIYA FANINI O‘QITISHDA RAQAMLI TA’LIM VOSITALARINING PEDAGOGIK VA KLINIK SAMARADORLIGI
Keywords:
xirurgiya, raqamli ta’lim vositalari, virtual simulyatsiya, klinik stsenariy, pedagogik samaradorlik, klinik kompetensiya.Abstract
Ushbu maqolada tibbiyot oliy ta’lim muassasalarida xirurgiya fanini o‘qitishda raqamli ta’lim vositalarining pedagogik va klinik samaradorligi atroflicha o‘rganilgan. Tadqiqot natijalari shuni ko‘rsatadiki, virtual simulyatsiya, interaktiv 3D-modellar, klinik video-stsenariylar va boshqa raqamli vositalar talabalarning klinik fikrlash qobiliyatini, diagnostik va terapevtik amaliy ko‘nikmalarini hamda kasbiy kompetensiyalarini samarali rivojlantirishda muhim vosita hisoblanadi. Ushbu texnologiyalar orqali talaba murakkab jarrohlik vaziyatlarini xavfsiz va nazorat qilinadigan sharoitda o‘rganish, turli muammoli holatlarni tahlil qilish va mustaqil qarorlar qabul qilish ko‘nikmalarini shakllantiradi.
Shuningdek, an’anaviy o‘qitish usullari bilan taqqoslaganda, raqamli vositalar yordamida o‘quv jarayoni interaktiv, qiziqarli va xavfsiz muhitda amalga oshiriladi. Bu esa talabalarda o‘z-o‘zini baholash va reflektiv fikrlash qobiliyatini rivojlantirish, klinik bilimlarni amaliyot bilan uyg‘unlashtirish va murakkab jarrohlik protseduralarini takrorlash imkonini beradi. Shu bilan birga, virtual va raqamli vositalar o‘quv jarayonini individualizatsiya qilish, talabalarning o‘z tezligi va qobiliyatiga mos ravishda mashg‘ulotlarni tashkil etishga ham yordam beradi.
