QISMAN ADENTIYADA RAQAMLI DIAGNOSTIKA VA CAD/CAM TEXNOLOGIYALARINING OLINMAYDIGAN PROTEZLASHDAGI AHAMIYATI

Abstract

Mazkur maqolada qisman adentiyada og‘iz bo‘shlig‘idagi tish qatorlari nuqsonlarini tiklashda raqamli diagnostika va CAD/CAM texnologiyalarining klinik ahamiyati tahlil qilindi. Intraoral skanerlash, konus-nurli kompyuter tomografiya (CBCT) va raqamli rejalashtirish asosida tayyorlangan olinmaydigan protezlarning aniqligi, biologik mosligi hamda uzoq muddatli klinik samaradorligi baholandi. Ilmiy adabiyotlar ma’lumotlariga ko‘ra, raqamli texnologiyalar protez chekka mosligini 20–30 % ga yaxshilab, klinik xatoliklarni 25–40 % ga kamaytiradi [1,2]. Tadqiqot natijalari CAD/CAM asosida tayyorlangan olinmaydigan protezlar bemorlarning funksional va estetik qoniqishini sezilarli darajada oshirishini ko‘rsatdi.