MOBIL ILOVALAR YORDAMIDA O‘QUV JARAYONINI TASHKIL ETISH

Abstract

Axborot-kommunikatsiya texnologiyalarining jadal rivojlanishi ta’lim tizimiga ham sezilarli ta’sir ko‘rsatmoqda. Ayniqsa, mobil qurilmalar — smartfon va planshetlar — kundalik hayotimizning ajralmas qismiga aylangan. Natijada ta’lim jarayonini mobil ilovalar orqali tashkil etish zamonaviy pedagogikaning muhim yo‘nalishlaridan biri bo‘lib bormoqda. Mobil ilovalar yordamida o‘quvchilar istalgan joyda va istalgan vaqtda bilim olish imkoniyatiga ega bo‘ladilar. Bugungi kunda an’anaviy ta’lim bilan bir qatorda masofaviy va aralash (blended learning) ta’lim shakllari keng qo‘llanilmoqda. Bunda mobil ilovalar o‘quv jarayonini samarali boshqarish, nazorat qilish va tashkil etishda muhim vosita sifatida xizmat qiladi. Ushbu maqolada mobil ilovalarning ta’lim jarayonidagi o‘rni, afzalliklari, imkoniyatlari hamda ularni samarali qo‘llash usullari haqida batafsil so‘z yuritiladi.