AYOLLAR KIYIMIDAGI YENGGA ISHLOV BERISHDA ZAMONAVIY AKTDAN FOYDALANISH
Keywords:
AKT, ayollar kiyimi, yeng konstruksiyasi, SAPR, 3D modellashtirish, kiyim texnologiyasi, raqamli moda, innovatsion ishlov berish, kiyim dizayni, virtual namuna.Abstract
Ushbu maqolada kiyim-kechak ishlab chiqarish sanoatida, xususan, ayollar kiyimlarining konstruksion jihatdan eng murakkab bo‘lagi hisoblangan yeng detallariga ishlov berishda zamonaviy axborot-kommunikatsiya texnologiyalarini (AKT) qo‘llash masalalari tadqiq etiladi. Tadqiqot davomida avtomatlashtirilgan loyihalash tizimlari (SAPR) va 3D vizualizatsiya dasturlarining yeng andozalarini aniq qurishdagi afzalliklari, mato plastikasi va texnik xususiyatlarini raqamli tahlil qilish imkoniyatlari tahlil qilingan. Shuningdek, maqolada yeng o‘mizi va yeng kalla qismini birlashtirishda innovatsion texnologik uskunalar hamda intellektual tikuv mashinalaridan foydalanishning kiyim sifati va estetik ko‘rinishiga ta’siri yoritib berilgan. AKT yordamida ishlab chiqarish jarayonlarini optimallashtirish va dizaynerlik ishlanmalaridagi xatoliklarni virtual muhitda bartaraf etish usullari taklif etilgan.
