XIVA- ERON DIPLOMATIK MUNOSABATLARINING TARIXIY AHAMIYATI
Keywords:
Xiva xonligi, Eron, diplomatik munosabatlar, elchilik aloqalari, tashqi siyosat, xalqaro munosabatlar, geosiyosiy manfaatlar, savdo-iqtisodiy hamkorlik, mintaqaviy xavfsizlik, siyosiy muzokaralar, tarixiy aloqalar, Markaziy Osiyo.Abstract
Mazkur tadqiqot ishida Xiva xonligi hamda Eron o‘rtasida tarixan shakllangan diplomatik munosabatlarning vujudga kelishi, rivojlanish bosqichlari va ularning Markaziy Osiyo mintaqasidagi siyosiy jarayonlarga ta’siri ilmiy jihatdan tahlil qilinadi. Dissertatsiya doirasida Xiva – Eron o‘rtasidagi elchilik aloqalari, siyosiy muzokaralar, savdo-iqtisodiy hamkorlik hamda hududiy manfaatlar bilan bog‘liq diplomatik munosabatlarning o‘ziga xos xususiyatlari ochib beriladi.
Shuningdek, ushbu davlatlar o‘rtasidagi diplomatik aloqalarning mintaqadagi geosiyosiy muvozanatni ta’minlash, savdo yo‘llarining xavfsizligini mustahkamlash hamda tashqi siyosiy strategiyalarni shakllantirishdagi ahamiyati yoritiladi. Tadqiqot natijasida Xiva – Eron diplomatik munosabatlari nafaqat ikki davlat o‘rtasidagi siyosiy hamkorlik vositasi, balki Markaziy Osiyo va Yaqin Sharq mintaqasidagi xalqaro munosabatlar tizimining muhim tarkibiy qismi sifatida xizmat qilgani asoslab beriladi.
