OILAVIY MUNOSABATLARDA EMPATIYA VA REFLEKTIV TINGLASHNING AHAMIYATI
Keywords:
Empatiya, reflektiv tinglash, oila, muloqot, psixologik barqarorlik, ishonch, emotsional yaqinlik, mojaroni oldini olish, tarbiya, ruhiy sog‘lomlik.Abstract
Maqolada oilaviy munosabatlarda empatiya va reflektiv tinglashning psixologik mohiyati, ularning o‘zaro tushunish, ishonch va hissiy barqarorlikni ta’minlashdagi roli tahlil qilingan. Oila insonning birlamchi ijtimoiy muhitidir va undagi muloqot sifati ruhiy salomatlikka bevosita ta’sir ko‘rsatadi. Shuning uchun empatiya — ya’ni boshqa insonning his-tuyg‘ularini tushunish va unga samimiy munosabatda bo‘lish — oilaviy totuvlikning asosi hisoblanadi. Reflektiv tinglash esa suhbatdoshni faollik bilan tinglash, uning hislarini aks ettirish va fikrini tan olish orqali o‘zaro hurmatni mustahkamlaydi. Maqolada bu jarayonlarning psixologik asoslari, oilaviy mojarolarning sabablari va ularni oldini olish usullari tahlil qilinadi. Tadqiqot natijalari shuni ko‘rsatadiki, empatiya va tinglash madaniyatini shakllantirish orqali er-xotin, ota-ona va farzandlar o‘rtasidagi emotsional yaqinlik, o‘zaro ishonch va muvozanatni kuchaytirish mumkin.
