ISHLAB CHIQARISHDA MEHNAT JAROHATLANISHI VA KASB KASALLIKLARI SABABLARINI KOMPLEKS TAHLILI

Abstract

Mehnat jarayonida yuzaga keladigan ishlab chiqarish jarohatlari va kasb kasalliklari nafaqat xodimlar salomatligiga, balki korxonaning iqtisodiy barqarorligi va ishlab chiqarish samaradorligiga ham bevosita ta’sir ko‘rsatadi. Ularning kelib chiqish sabablari texnik nosozliklar, tashkiliy kamchiliklar, mehnat gigiyenasiga rioya qilmaslik hamda inson omili bilan chambarchas bog‘liqdir. Mazkur muammolarni kompleks va ilmiy asosda tahlil qilish mehnat muhofazasi tizimini takomillashtirish, xavflarni boshqarish samaradorligini oshirish hamda profilaktik choralarni ishlab chiqishda muhim ahamiyat kasb etadi.