O‘ZBEK TA’LIM TIZIMI TERMINLARINING LUG‘AVIY QATLAMI

Abstract

Har bir milliy ta’lim tizimi o‘ziga xos terminologik qatlamga ega bo‘lib, u jamiyatning tarixiy taraqqiyoti, madaniy aloqalari, ilmiy salohiyati hamda ijtimoiy ehtiyojlari bilan chambarchas bog‘liqdir. O‘zbek ta’lim tizimi terminologiyasi ham ko‘p asrlik tarixiy jarayon davomida shakllangan bo‘lib, unda turli davrlarga xos bo‘lgan arabcha, forscha, turkiy, ruscha va zamonaviy inglizcha terminlar qatlamini kuzatish mumkin. Ushbu maqolada o‘zbek ta’lim tizimi terminlarining kelib chiqish manbalari, ularning lingvistik xususiyatlari, funksional ahamiyati hamda bugungi ta’lim jarayonidagi o‘rni batafsil yoritiladi.