QO‘LYOZMA RAQAMLARNI CNN ASOSIDA TANISH MODELINI TAHLIL QILISH

Abstract

Ushbu maqolada qo‘lyozma raqamlarni avtomatik tanish masalasi konvolyutsion neyron tarmoqlar (Convolutional Neural Networks – CNN) asosida tadqiq etilgan. Tasvirlarni oldindan qayta ishlash, normalizatsiya, konvolyutsiya, maxpooling, xususiyat ajratish va softmax klassifikatsiya bosqichlari asosida model ishlab chiqildi. Tajribalar MNIST (Modified National Institute of Standards and Technology) ma’lumotlar to‘plamida o‘tkazildi. Taklif etilgan model 98% dan yuqori aniqlik ko‘rsatkichiga erishdi. Olingan natijalar CNN arxitekturasi qo‘lyozma belgilarni tanishda yuqori samaradorlikka ega ekanligini ko‘rsatadi.