KELAJAKDA ROBOTLAR ODAM O‘RNINI BOSA OLADIMI?

Abstract

Zamonaviy texnologiyalar, xususan, robototexnika va sun’iy intellektning tez sur’atlarda rivojlanishi inson faoliyatining barcha sohalariga chuqur kirib bormoqda. Bugungi kunda robotlar ishlab chiqarish, tibbiyot, ta’lim, transport va hatto xizmat ko‘rsatish sohalarida samarali faoliyat yuritmoqda. Shunga qaramay, ularning inson o‘rnini to‘liq bosa olishi masalasi ilmiy hamda falsafiy bahs-munozaralarga sabab bo‘lmoqda. Maqolada robotlarning inson hayotidagi o‘rni, ularning imkoniyatlari va cheklovlari, shuningdek, ijtimoiy, axloqiy hamda iqtisodiy oqibatlari tahlil etiladi. Shuningdek, inson va robot o‘rtasidagi o‘zaro munosabatlar kelajagiga oid nazariy yondashuvlar va prognozlar ham yoritilgan.