SHO‘RLANGAN TUPROQLARNING G‘O‘ZA HOSILDORLIGIGA TA’SIRI

Abstract

Ushbu maqolada sho‘rlangan tuproqlarning g‘o‘za o‘simligi o‘sishi, rivojlanishi hamda hosildorligiga ta’siri o‘rganilgan. Tadqiqot davomida turli darajada sho‘rlangan tuproqlarda g‘o‘za o‘simligining biometrik ko‘rsatkichlari, hosil elementlari hamda umumiy hosildorlik darajasi tahlil qilindi. Natijalar shuni ko‘rsatdiki, tuproq sho‘rlanish darajasi ortishi bilan o‘simlik bo‘yi, hosil shoxlari soni, ko‘saklar soni hamda umumiy hosildorlik ko‘rsatkichlari sezilarli darajada kamayadi. O‘tkazilgan tajribalar natijasida kuchsiz sho‘rlangan tuproqlarda hosildorlik 12–15 %, o‘rtacha sho‘rlangan tuproqlarda 25–30 %, kuchli sho‘rlangan tuproqlarda esa 40–45 % gacha kamayishi aniqlandi. Meliorativ tadbirlar va biologik stimulyatorlardan foydalanish hosildorlikni 10–18 % ga oshirish imkonini beradi.