YURAK ISHEMIK KASALLIGIDA KORONAR ARTERIYALAR STENTLASHIDAN SO‘NG KOMBINIRLANGAN GIPOLIPIDEMIK TERAPIYANING SAMARADORLIGI

Abstract

Ushbu maqolada yurak ishemik kasalligi (YIK) tashxisi bilan koronar arteriyalarga stent o‘rnatilgan bemorlarda kombinirlangan gipolipidemik terapiyaning samaradorligi tahlil qilinadi. Yevropa kardiologlar jamiyati (ESC)ning klinik ko‘rsatmalariga asosan, o‘ta yuqori yurak-qon tomir xavfi bo‘lgan bemorlarda past zichlikdagi lipoprotein xolesterin (LDL-X) darajasini <1,4 mmol/L (<55 mg/dL) gacha kamaytirish va bazaviy ko‘rsatkichga nisbatan ≥50% ga pasaytirish maqsad qilib belgilangan. Kombinirlangan terapiya - statinlar va ezetimib, shuningdek, PCSK9 ingibitorlari ushbu maqsadlarga erishishda statin monoterapiyasiga nisbatan sezilarli ustunlikka ega. Yevropa tajribasi (Germaniya, Shvetsiya) shuni ko‘rsatadiki, ixtisoslashtirilgan lipidologik ambulatoriyalarda muntazam kuzatuv natijasida LDL-X maqsadli darajalariga erishish darajasi sezilarli darajada yuqori bo‘ladi. O‘zbekistonda o‘tkazilgan tadqiqotlarda atorvastatin bilan davolash natijasida bemorlarning aksariyatida LDL-X maqsadli ko‘rsatkichlariga erishilganligi qayd etilgan. Maqolada kombinirlangan gipolipidemik terapiyaning stent ichi restenoz, aterosklerotik blyashka barqarorligi va umumiy yurak-qon tomir asoratlarini kamaytirishdagi o‘rni yoritilgan.