TA'LIM VA IQTISODIY O'SISH O'RTASIDAGI BOG'LIQLIK

Abstract

Ushbu maqolada ta'lim tizimining iqtisodiy o'sishga ta'siri nazariy va amaliy jihatdan tahlil qilinadi. Tadqiqot natijalari shuni ko'rsatadiki, ta'limga ajratilgan sarmoyalar mehnat unumdorligini oshirish, innovatsion faollikni kuchaytirish va aholi daromadlarini ko'paytirish orqali iqtisodiy o'sishning asosiy omillaridan biri hisoblanadi. Shu bilan birga, ta'lim tizimida mavjud bo'lgan sifat muammolari, hududiy tafovutlar va malakali kadrlar tayyorlashdagi nomutanosibliklar iqtisodiy o'sish sur'atlariga salbiy ta'sir ko'rsatmoqda. Tadqiqot statistik ma'lumotlar va qiyosiy tahlil asosida olib borilgan bo'lib, natijalar ta'lim sohasini rivojlantirish va uni iqtisodiyot ehtiyojlari bilan uyg'unlashtirish bo'yicha amaliy tavsiyalarni o'z ichiga oladi.