NATURAL SONNI MIQDORLARNI O‘LCHASH NATIJASI SIFATIDA QARALISHI NAZARIYASI
Keywords:
Natural son, miqdor, o‘lchash, birlik, sanash, kattalik, matematik tushuncha, sonlar tizimi, amaliy faoliyat, matematika nazariyasi, o‘lchov birliklari, miqdoriy munosabatlar.Abstract
Mazkur tezisda natural sonlarning kelib chiqishi, ularning shakllanish bosqichlari hamda miqdorlarni o‘lchash natijasi sifatida qaralishi nazariy jihatdan tahlil qilingan. Tadqiqot davomida natural sonlarning dastlab insoniyatning amaliy ehtiyojlari, xususan, predmetlarni sanash va taqqoslash jarayonida yuzaga kelgani yoritilgan. Shuningdek, matematikaning rivojlanishi bilan turli kattaliklarni — uzunlik, massa, vaqt va hajmni o‘lchash zarurati paydo bo‘lgani va bu jarayon natural sonlarning mazmunini kengaytirgani asoslab berilgan.
Ishda o‘lchash jarayonining mohiyati, ya’ni tanlangan birlikning o‘lchanayotgan kattalikda necha marta takrorlanishini aniqlash orqali natijaning natural son bilan ifodalanishi tushuntirilgan. Bundan tashqari, natural sonlarning amaliy faoliyatdagi o‘rni, ularning kundalik hayotdagi qo‘llanilishi hamda boshqa sonlar tizimining shakllanishidagi ahamiyati yoritilgan. Natural sonlarni miqdorlarni o‘lchash natijasi sifatida o‘rganish ularning mohiyatini chuqurroq anglashga, matematik tafakkurni rivojlantirishga va ta’lim jarayonining samaradorligini oshirishga xizmat qilishi ko‘rsatib berilgan.
