ШАҲАРЛАР ШАРОИТИДА ШОВҚИНДАН ҲИМОЯ ҚИЛУВЧИ ЧОРА-ТАДБИРЛАРНИ ГИГИЕНИК АСОСЛАШ
Keywords:
Акустик юклама, шаҳар муҳити, шовқин тарқалиши, гигиеник баҳолаш, транспорт магистраллари, турар-жой қурилиши, акустик зона, товуш босими даражаси, шовқин изоляцияси, саломатликка таъсир.Abstract
Ушбу илмий ишда шаҳар муҳитида шаклланаётган шовқин юкламасининг гигиеник баҳоси ҳамда унинг аҳоли саломатлигига таъсир механизмлари ўрганилган. Тадқиқот давомида транспорт магистраллари ва турар-жой қурилишининг турли режалаштириш шаклларида шовқиннинг тарқалиш қонуниятлари аниқланган ва акустик ноқулайлик зоналари чегаралари белгиланган.Олинган натижалар шуни кўрсатадики, шовқин даражасининг ортиши урбан муҳитда яшовчи аҳолининг функционал ҳолатига салбий таъсир кўрсатиб, айниқса асаб тизими ва юрак-қон томир тизимида бузилишлар хавфини оширади. Шу билан бирга, меъморий-режавий ечимлар, биноларни тўғри жойлаштириш ва замонавий товуш изоляцияси технологияларидан фойдаланиш орқали шовқин даражасини сезиларли камайтириш мумкинлиги асослаб берилган.Мазкур тадқиқот натижалари шаҳарсозлик амалиётида гигиеник талабларни ҳисобга олган ҳолда акустик муҳитни оптималлаштиришда муҳим аҳамият касб этади.
