JALOLIDDIN RUMIY TALIMOTIDA ISHQ- MUHABBAT FALSAFASI

Abstract

Ushbu maqolada Jaloliddin Rumiy ta’limotida ishq va muhabbat falsafasining mazmun-mohiyati tahlil qilinadi. Rumiy qarashlarida ishq insonni komillikka yetaklovchi ilohiy kuch sifatida talqin etilib, u nafaqat shaxsiy tuyg‘u, balki borliqni anglashning asosiy vositasi sifatida ko‘rib chiqiladi. Maqolada Rumiy asarlarida aks etgan ilohiy ishq, majoziy muhabbat va ularning o‘zaro uyg‘unligi falsafiy jihatdan yoritiladi. Shuningdek, ishq orqali inson qalbining poklanishi, ma’naviy yuksalishi va Haqiqatga erishish yo‘lidagi o‘rni tahlil etiladi. Tadqiqot natijasida Rumiy ta’limotida ishq inson va Yaratuvchi o‘rtasidagi eng oliy bog‘lovchi kuch ekanligi asoslab beriladi.