INGLIZ VA O’ZBEK TILLARI SO’Z YASALISH TIZIMINING UMUMIY XUSUSIYATLARI

Abstract

Ushbu maqolada ingliz va o‘zbek tillarida so‘z yasalish jarayonlari lingvistik tahlil qilinadi. Har ikki tilning morfologik tizimi, affiksatsiya, kompozitsiya va boshqa usullar orqali yangi so‘zlar hosil qilishdagi o‘xshash va farqli jihatlar ko‘rib chiqiladi. Turli xil manbalardagi ma’lumotlarga tayanadigan bo’lsak, o‘zbek tili agglutinativ xususiyatga ega bo‘lsa, ingliz tili analitik va qisman flektiv xususiyatlarga ega bo‘lib, bu so‘z yasalish usullarida sezilarli tafovutlarni yuzaga keltiradi.Shuni tan olish kerakki, so‘z yasalishi til lug‘at boyligini muntazam ravishda boyitib boruvchi jarayondir. Ingliz va o‘zbek tillarining so‘z yasalish tizimlari o‘rtasida o‘xshashliklar va farqlar mavjud. Maqolada so‘z yasalishning ayrim usullari o‘rganilib, mavzuni tushuntirish uchun ko‘plab misollar keltirilgan.