BOLALARDA TRIXOTSEFALYOZ: TARQALISHI, KLINIK KO'RINISHI, DIAGNOSTIKASI VA PROFILAKTIKASI
Keywords:
Trichuris trichiura, qilbosh gijja, trixotsefalyoz, gelmintoz, bolalar, yo'g'on ichak, diagnostika, profilaktika, nematoda.Abstract
Ushbu maqolada Trichuris trichiura — qilbosh gijja qo'zg'atadigan trixotsefalyoz kasalligining bolalardagi epidemiologiyasi, patogenezi, klinik ko'rinishlari, zamonaviy diagnostika usullari va profilaktika choralari ko'rib chiqilgan. Trixotsefalyoz tuproq orqali yuqadigan gelminttozlar ichida uchinchi o'rinda turadi va dunyo bo'ylab taxminan 800 million kishini qamrab oladi. Parazit yo'g'on ichakda yashab, surunkali yallig'lanish, anemiya va bolalarda jismoniy hamda intellektual rivojlanishning orqada qolishiga olib keladi. Maqolada T. trichiuraning hayot sikli, patogen mexanizmlari, klinik bosqichlari, diagnostika mezonlari va davolash tamoyillari batafsil yoritilgan. Shaxsiy gigiyena, sanitariya infratuzilmasi va profilaktik degelmintizatsiyani birlashtirgan kompleks chora-tadbirlar kasallanish ko'rsatkichini sezilarli darajada kamaytirishi mumkinligi asoslab ko'rsatilgan.
