URBAN HUDUDLARDA YASHIL HUDUDLARNING HAVO SIFATI VA INSON SALOMATLIGIGA TA’SIRI: O‘ZBEKISTON HUDUDLARI KESIMIDA

Abstract

Urbanizatsiya jarayonining jadallashuvi natijasida O‘zbekiston hududlarida yashil maydonlar qisqarib bormoqda, bu esa ekologik muvozanatning buzilishiga olib kelmoqda. Ushbu tadqiqot ishida respublikaning turli hududlarida yashil zonalarning atmosfera havosi sifati va inson salomatligiga ta’siri o‘rganildi. Tadqiqot davomida yashil hududlarga boy va kam hududlarda PM2.5, PM10 va NO₂ ko‘rsatkichlari solishtirildi. Natijalar shuni ko‘rsatdiki, yashil hududlar mavjud joylarda havo sifati sezilarli darajada yaxshiroq bo‘lib, bu aholi salomatligiga ijobiy ta’sir ko‘rsatadi. Tadqiqot yakunida yashil infratuzilmani rivojlantirish bo‘yicha amaliy tavsiyalar ishlab chiqildi