O`ZBEKISTONDA MOLIYA TIZIMI VA MOLIYAVIY SIYOSAT

Abstract

Ushbu maqolada moliya tizimining mohiyati, uning shakllanishi va rivojlanish bosqichlari, shuningdek tarkibiy qismlari atroflicha yoritiladi. Moliya tizimining asosiy bo‘g‘inlari — davlat moliyasi, mahalliy moliya, xo‘jalik yurituvchi subyektlar moliyasi hamda aholi moliyasi o‘rtasidagi o‘zaro bog‘liqlik va ularning iqtisodiyotdagi ahamiyati tahlil qilinadi. Shu bilan birga, moliya tizimining barqaror ishlashi mamlakat iqtisodiy taraqqiyotini ta’minlashdagi muhim omillardan biri ekanligi asoslab beriladi.

    Maqolada, shuningdek, moliyaviy siyosatning mazmun-mohiyati, uning asosiy maqsad va vazifalari keng ochib beriladi. Davlat moliyaviy siyosatining asosiy yo‘nalishlari — byudjet siyosati, soliq siyosati, pul-kredit siyosati hamda investitsiya siyosati alohida ko‘rib chiqilib, ularning har biri iqtisodiy jarayonlarga qanday ta’sir ko‘rsatishi batafsil tahlil qilinadi. Ayniqsa, ushbu siyosat yo‘nalishlarining iqtisodiy o‘sish, inflyatsiya darajasi, bandlik va ijtimoiy barqarorlikka ta’siri muhim jihat sifatida yoritiladi.