ZAMONAVIY SHAROITDA ICHIMLIK SUVI TANQISLIGI MUAOMMOSI VA UNING IJTIMOIY-EKOLOGIK TA’SIRI
Keywords:
ichimlik suvi, suv tanqisligi, suv resurslari, ekologik muammolar, suvni tejash, sanitariya, suv yetishmovchiligi, tabiiy resurslar.Abstract
Ushbu maqolada ichimlik suvi tanqisligi, toza suv yetishmovchiligi hamda uning zamonaviy jamiyat hayotiga ta’siri keng yoritilgan. Xususan, suv resurslarining kamayish sabablari, iqlim o‘zgarishi, aholi sonining ortishi hamda suvdan noto‘g‘ri foydalanish natijasida yuzaga kelayotgan muammolar tahlil qilingan. Maqolada ichimlik suvining yetishmasligi natijasida ayrim hududlarda sanitariya sharoitlarining yomonlashuvi, qishloq xo‘jaligi hosildorligining kamayishi hamda aholining turmush darajasiga salbiy ta’siri misollar asosida ko‘rib chiqilgan.
Shuningdek, suv tanqisligining kuchayishi, yer osti va yer usti suv manbalarining kamayishi hamda ekologik muammolarning ortib borishi haqida fikr yuritilgan. Zamonaviy texnologiyalar va ekologik choralar yordamida suv resurslarini tejash, suvni qayta ishlash hamda undan oqilona foydalanish masalalari ham yoritilgan. Shu bilan birga, suv muammolarini bartaraf etishda xalqaro hamkorlikning ahamiyati hamda ayrim hududlarda yuzaga kelayotgan suv tanqisligi bilan bog‘liq kamchiliklar ham tahlil qilingan.
