ECG SIGNALI VA UNING XUSUSIYATLARI: FIZIOLOGIK ASOSLAR, TO`LQIN PARAMETRLARI VA SUN`IY INTELLEKT ASOSIDA TAHLIL

Abstract

Ushbu maqolada elektrokardiogramma (ECG) signalining fiziologik asoslari, asosiy to`lqin parametrlari va ularning klinik ahamiyati ko`rib chiqiladi. ECG signalining P-to`lqin, QRS kompleksi, T-to`lqin, PR intervali va ST segment kabi tarkibiy qismlari batafsil tavsiflanadi. Sensorlar orqali olingan ECG ma`lumotlarini raqamlashtirish, filtrlash va normalizatsiya qilish usullari tahlil qilinadi. Qo`lda ishlab chiqilgan xususiyatlardan (morfologik, statistik, vaqt-chastota) tortib chuqur o`qitish orqali avtomatik xususiyat ajratish texnikalarigacha bo`lgan usullar qiyosiy ko`rib chiqiladi. Maqolada MIT-BIH va Zheng va boshq. (2022) datasetlari asosida sinovdan o`tkazilgan modellar tahlili keltiriladi. Natijalar shuni ko`rsatadiki, gibrid CNN-LSTM arxitekturasi ECG xususiyatlarini ajratish va aritmiya bashoratlashda 98.7% aniqlikka erishadi.