ZAHIRIDDIN MUHAMMAD BOBUR :DAVLAT ,HUQUQ VA ADOLAT TAFAKKURI TIMSOLI

Abstract

Mazkur maqola buyuk o‘zbek mutafakkiri, davlat  arbobi va mohir sarkarda Zahiriddin Muhammad Boburning davlat  boshqaruvi tizimidagi o‘ziga xos huquqiy va adolatli yondashuvlarini  tahlil qilishga bag‘ishlanadi. Maqolada Bobur shaxsi nafaqat lirik shoir,  balki XV–XVI asrlar Sharq huquqiy tafakkurining yirik namoyandasi  sifatida tadqiq etiladi. Tadqiqotning asosiy manbasi sifatida "Boburnoma"  asaridagi ma’muriy boshqaruv, kadrlar siyosati va harbiy intizomga oid  qoidalar hamda "Mubayyin" asaridagi moliya-huquqiy normalar qiyosiy  o‘rganilgan. Maqolada Bobur tomonidan joriy etilgan "meritokratiya"  ya’ni loyiqlik tamoyilini zamonaviy davlat xizmati tizimi bilan bog‘lagan  holda, uning adolat tushunchasini yuridik kategoriya sifatida asoslab  beradi. Shuningdek, maqolada Boburning davlat tizimidagi soliq  islohotlari, fuqarolarning mulkiy huquqlari daxlsizligi va sud  hokimiyatining jamiyat barqarorligidagi o‘rni ilmiy jihatdan yoritiladi.  Maqola yakunida Boburning huquqiy merosining bugungi Yangi  O‘zbekiston taraqqiyot strategiyasidagi "Inson qadri va adolat"  tamoyillari bilan hamohang jihatlari tahlil qilingan.