STRATEGIK MENEJMENT
Keywords:
strategik menejment, strategik boshqaruv, tahlil, strategik rejalashtirish, monitoring, maqsad, resurs, SWOT tahlil, PEST tahlil, raqobat, innovatsiya, liderlik, aqlli boshqaruv, barqarorlik, avtomatlashtirish, korporativ madaniyat.Abstract
Bugungi zamonda tashkilot va korxonalarning o‘z faoliyati, rivojlanishi va muvaffaqiyati bevosita to‘g‘ri yo‘lga qo‘yilgan strategik menejmentga bog‘liq. Raqobatbardosh muhit, kundan-kunga o‘zgarib borayotgan talab va taklif, texnologik taraqqiyot, ijtimoiy hamda iqtisodiy o‘zgarishlar sharoitida har bir firma o‘z oldiga aniq maqsadlar qo‘yishi, ichki va tashqi muhitni chuqur tahlil qilishi, resurslarni to‘g‘ri taqsimlashi hamda aniqlangan yo‘nalish bo‘yicha harakat qilishi lozim. Shuning uchun strategik menejment hozirgi dunyoning eng muhim boshqaruv konsepsiyalaridan biriga aylangan. Strategik menejment deganda, tashkilotning uzoq muddatli maqsadlarini shakllantirish, bu maqsadlarga erishish yo‘llarini ishlab chiqish, kerakli resurslarni safarbar qilish, tashqi hamda ichki muhit omillarini hisobga olgan holda raqobatbardosh ustunlikka erishishni ifoda etuvchi uzluksiz va tizimli boshqaruv jarayoni tushuniladi. Menedjmentning bu turi eng avvalo firmaning missiyasi va istiqbolini belgilashdan, shuningdek, mazkur missiyani hayotga tatbiq etish uchun aniq reja, strategiya, metod va vositalar tanlashdan boshlanadi. Natijaviylikka erishishda strategik menejmentning asosiy bosqichlari – tahlil, rejalashtirish, amalga oshirish va baholash doimo bir-biri bilan bog‘langan holda, tizimli tarzda olib boriladi
