PASTKI OYOQLAR FALAJINI DAVOLASHNING YANGI NEYROXIRURGIK USULLARI

Abstract

So‘nggi yillarda tibbiyot ilmida, xususan, neyroxirurgiyada pastki oyoqlarning falaj kasalligini davolash borasida qator yangiliklar va ilg‘or usullar paydo bo‘ldi. Dunyo bo‘ylab ko‘plab olimlar va shifokorlar bu sohaga alohida e’tibor bilan yondashmoqda va zamonaviy texnologiyalar bilan birga neyroxirurgiyaning yangi yutuqlarini amaliyotga tadbiq etmoqda. Falaj ayniqsa orqa miya shikastlaridan so‘ng yoki nevroinfektsiyalar, insult kabi og‘ir holatlarda yoki turli kelib chiqishli asab kasalliklarida tez-tez kuzatiladi. Bunday holatlarda an’anaviy davo usullari ko‘pincha yetarli natija bermaydi, shuning uchun mutaxassislar zamonaviy va innovatsion neyroxirurgik yechimlarga murojaat qilmoqdalar.