O‘ZBEKISTON IQTISODIYOTIDA SAMARADORLIK KO‘RSATKICHLARINI TAHLIL QILISH VA BOSHQARUV QARORLARINI QABUL QILISHDA SUN’IY INTELLEKTNING ROLI
Keywords:
Sun’iy intellekt, O‘zbekiston iqtisodiyoti, samaradorlik ko‘rsatkichlari, boshqaruv qarorlari, raqamli iqtisodiyot, Big Data (Katta ma’lumotlar), prognozlash, strategik boshqaruv, raqamli transformatsiya, optimallashtirish, algoritmlar.Abstract
Mazkur maqolada O‘zbekiston iqtisodiyoti taraqqiyotining hozirgi bosqichida sun’iy intellekt (SI) texnologiyalaridan foydalanishning dolzarbligi va strategik istiqbollari tadqiq etiladi. Tadqiqotda “Raqamli O‘zbekiston — 2030” strategiyasi doirasida iqtisodiy samaradorlik ko‘rsatkichlarini tahlil qilishda SI algoritmlarining o‘rni, katta hajmdagi ma’lumotlarni (Big Data) qayta ishlash hamda mashinali o‘rganish orqali kelajakdagi iqtisodiy tendensiyalarni prognozlash imkoniyatlari batafsil yoritilgan. Shuningdek, davlat boshqaruvi va xususiy sektor miqyosida strategik qarorlar qabul qilishda SI qanday qilib subyektiv xatoliklarni kamaytirishi, xavf-xatarlarni minimallashtirishi va resurslarni optimallashtirishi tahlil qilinadi. Maqolada intellektual tizimlarning iqtisodiy drayver sohalarga joriy etilishi natijasida erishiladigan iqtisodiy o‘sish sur’atlari qiyosiy o‘rganilgan. Tadqiqot yakunida SI infratuzilmasini takomillashtirish, kadrlar salohiyatini oshirish va boshqaruv jarayonlarini raqamli transformatsiya qilish bo‘yicha ilmiy asoslangan xulosalar hamda amaliy takliflar ilgari surilgan.
