XIX ASRDA AFG‘ONISTON VA BUYUK O‘YIN: ROSSIYA VA BRITANIYA IMPERIALIZMINING TA’SIRI

Abstract

Ushbu maqola, XIX asrda dunyo siyosiy xaritasida imperiyalar o‘rtasidagi raqobat avj olgan davr hisoblanadi. Shu jarayonda Afg‘oniston geografik jihatdan Markaziy Osiyo bilan Janubiy Osiyo o‘rtasida joylashgani sababli strategik ahamiyat kasb etadi. Rossiya imperiyasi shimoldan janubga tomon o‘z ta’sirini kengaytirishga intilar, Britaniya esa Hindistondagi mustamlakasini himoya qilish maqsadida shimoliy chegaralarda xavfsizlikni ta’minlashga urinardi. Maqolada ingliz-afg‘on urushlari, Rossiyaning Markaziy Osiyodagi siyosati hamda Afg‘onistonning tampon davlat sifatidagi mavqei tahlil qilinadi. Tadqiqot Afg‘onistonning strategik o‘rni, mustaqillik uchun kurashi va “Buyuk o‘yin” oqibatlarini ilmiy manbalar asosida tahlil etadi..