MUSTAQILLIK DAVRIDA O‘ZBEKISTONDA IJTIMOIY HIMOYA TIZIMINING TARIXIY TRANSFORMATSIYASI

Abstract

Ushbu maqolada mustaqil O‘zbekiston Respublikasida ijtimoiy himoya tizimining 1991-yildan boshlangan shakllanishi va transformatsiya jarayonlari tahlil qilingan. Tadqiqotda sovet davridan meros qolgan markazlashgan modeldan zamonaviy, raqamlashtirilgan va maqsadli yondashuvga asoslangan tizimga o‘tish bosqichlari yoritiladi. Shuningdek, ijtimoiy yordamning huquqiy asoslari, institutsional tuzilmalarning islohoti, raqamlashtirish jarayonlari va ijtimoiy xizmatlarning diversifikatsiyasi masalalari tahlil etiladi. Maqolada so‘nggi yillarda amalga oshirilgan islohotlar, xususan, yagona reestr tizimi, mahalla darajasidagi xizmatlar va “inson” markazlarining joriy etilishi natijasida tizimning samaradorligi oshgani ko‘rsatilgan. Biroq, ayrim muammolar — norasmiy mehnat sektori, chekka hududlarda xizmat sifati va moliyaviy barqarorlik kabi omillar ham tahlil etilgan. Xulosa sifatida, ijtimoiy himoya tizimi barqaror rivojlanish bosqichiga kirgani, biroq uni yanada takomillashtirish zarurligi qayd etiladi.