O’ZBEK MA’QOM SAN’ATIDA AN’ANAVIY MUSIQA VA ZAMONAVIY IJROCHILIK UYG’UNLASHUVI MAVZUSIDA TEZIS

Abstract

Mazkur tezisda  o‘zbek maqom san’atida an’anaviy musiqiy meros va zamonaviy ijrochilik yondashuvlarining o‘zaro uyg‘unlashuvi tahlil qilinadi. Maqomning ko‘p asrlik pardalar tizimi, ohangiy rivoj tamoyillari va ustoz-shogird an’analari zamonaviy texnologiyalar, pedagogik metodlar, sahna talablaridagi yangiliklar bilan qanday mushtarak rivojlanayotgani ilmiy-nazariy jihatdan yoritiladi. Tadqiqotda maqomning nota tizimiga moslashtirilishi, yangi talqinlar, yangi ansambllar va orkestrlar ishtirokidagi ijro shakllari, shuningdek, global musiqiy maydonda maqomning o‘rni va ommalashuvi kabi jihatlar ko‘rib chiqiladi. An’ana va zamonaviylik uyg‘unligi maqom san’atining badiiy mazmunini saqlagan holda uni yangi bosqichga ko‘tarayotgan omil sifatida baholanadi. Ishning asosiy xulosalariga ko‘ra, maqom san’ati zamonaviy talqinlardan foydalangan holda keng auditoriyaga yetib borayotgani bilan birga, milliy o‘zlikni, ruhiy merosni va badiiy qadriyatlarni himoya qiluvchi madaniy poydevor bo‘lib qolmoqda.