MEDIA MAYDON TUZILISHI, TA’SIRI VA MEDIA MAYDONDA AXBOROT TARQATISH MADANIYATI

Abstract

Ushbu maqolada media maydonining tuzilishi, uning jamiyatga ta’siri va media maydonda axborot tarqatish madaniyatini shakllantirish mexanizmlari ilmiy tahlil qilinadi. Media maydon – ommaviy axborot vositalari, raqamli platformalar va ijtimoiy tarmoqlarni o‘z ichiga olgan ijtimoiy struktura – jamiyatda axborot oqimi va ijtimoiy ongni belgilovchi asosiy maydonlardan biridir. Maqolada O‘zbekiston kontekstidagi axborot madaniyati va media ta’sirining o‘ziga xos jihatlari ham ko‘rib chiqiladi. Tahlillar shuni ko‘rsatadiki, media maydonda axborot tarqatish madaniyati shaxsning tanqidiy fikrlash, gatekeeping mexanizmlari va onlayn etik qoidalar orqali mustahkamlanadi. Media maydonining sog‘lom tuzilishi va axborot madaniyatining yuqori darajasi raqamli fuqarolik va barqaror ijtimoiy jarayonlar uchun muhimdir.